Goa Santa Cruz Car Accident: गोव्यात पणजीजवळील सांताक्रुझ गावात आज, शुक्रवारी सकाळी एक अजब दृश्य येथे सर्वांना पाहायला मिळाले. येथील चर्चजवळ एक कार रस्त्याकडेला पलटी झालेली दिसत होती. तर तिथेच रस्त्याकडेला असलेली एक पानटपरी देखील पलटी झाली होती आणि अस्ताव्यस्त पडली होती. यात पान टपरीचे नुकसान झाले आहे.

सकाळी येथून ये-जा करणारे पादचारी, वाहनधारक हे सर्वचजण या प्रकाराबाबत उत्सुक दिसत होते, पण नेमके काय घडेल आहे, याची कुणालाही कल्पना नव्हती.

वेगवान कारवरील नियंत्रण सुटल्याने ती कार पानटपरीवर जाऊन आदळली आणि नंतर पटली झाली, असा अंदाज व्यक्त केला जात होता. तथापि, पलटी कारमध्ये कुणीही नव्हते, किंवा कार कुणाची आहे, याचीही कुणालाही कल्पना नव्हती.

कारचा मालकही सकाळी घटनास्थळी नव्हती. किंवा पोलिसांनीही सकाळी याबाबत काहीही कार्यवाही केलेली नव्हती.

पलटी झालेली कार रस्त्यात नसल्याने वाहतुकीला अडथळा होत नव्हता. त्यामुळे ही कार काही तास येथेच पडून होती. दुपारी पोलिसांनी क्रेन आणून ही कार येथून हटवली. या कारचा अपघात रात्री झाला असावा, अशी घटनास्थळी चर्चा होती. अद्याप या प्रकाराबाबत इतर माहिती समोर आलेली नाही.