Cape Constituency :

केपे, लोकसभा निवडणुकीत कोणत्या पक्षाला बहुमत मिळेल, याचा अभ्यास करण्यासाठी काँग्रेस व भाजपाचे कार्यकर्ते व्यस्त असून आपल्याच पक्षाचा विजय होणार असल्याचा दावा दोन्ही पक्षाचे कार्यकर्ते करू दक्षिण गोव्यातील केपे मतदारसंघाकडे बऱ्याच लोकांचे लक्ष असून या मतदारसंघात ७८% मतदान झाले असल्याने बाबू कवळेकर की एल्टन डिकॉस्टा बाजी मारणार? याचीही उत्सुकता लोकांना लागली आहे.

केपे मतदारसंघात काँग्रेस पक्षाचा आमदार असल्याने या मतदारसंघातून काँग्रेस पक्षाला आघाडी मिळणार असल्याचे बोलले जात होते, पण विधानसभा निवडणुकीत लोकांचा मुद्दा वेगळा होता, पण यावेळी लोक मोदींसाठी मतदान करणार असल्याचे भाजपा कार्यकर्ते सांगत आहेत.

केपे मतदारसंघात भाजपचे दोन गट कार्यरत असून दोन्ही गटांनी भाजपाला चांगले मतदान झाले असल्याचे सांगितले तर एल्टन डिकॉस्टा यांनीही मतदारसंघात बरेच काम केले असल्याने काँग्रेस पक्षाला आघाडी मिळणार असल्याचे काँग्रेस कार्यकर्ते सांगतात.

मोदींसाठी मतदान!

भाजपाला किमान पाच हजार मतांची आघाडी मिळणार असल्याचे नगरसेवक दयेश नाईक यांनी सांगितले. पालिका क्षेत्रात आपल्या प्रभागात भाजपाला आघाडी मिळणार असल्याचे त्यांनी सांगितले.

विधानसभा निवडणुकीत जी आघाडी काँग्रेस पक्षाला मिळाली होती, ती यावेळी त्यांना मिळणार नसून लोकांनी पंतप्रधान नरेंद्र मोदी यांचे कार्य पाहून त्यांना तिसऱ्यांदा पंतप्रधान करण्यासाठी लोकांनी मतदान केले आहे, असे नाईक यांनी सांगितले.