Canacona Vision and Mission: ‘काणकोण व्हिजन आणि मिशन’ या संकल्पनेर्तंत ज्येष्ठ नागरिकांना चांगल्या व आवश्यक सुविधा प्राप्त करून देण्यासाठी प्रयत्न करण्यात येतील, असे सभापती व काणकोणचे आमदार रमेश तवडकर यांनी सांगितले. काणकोण ज्येष्ठ नागरिक मंचातर्फे यशस्वी विद्यार्थी व ज्येष्ठ नागरिकांचा सत्कार सोहळा दि.10 रोजी शनिवारी शेळेर काणकोण येथे आयोजित केला होता.

यावेळी प्रमुख पाहुणे म्हणून सभापती तवडकर बोलत होते. यावेळी नगराध्यक्ष रमाकांत नाईक गावकर, माजी नगराध्यक्ष सायमन रिबेलो, फेडरेशनचे अध्यक्ष डायगो दा कोस्टा, गौतमी भगत, ज्येष्ठ नागरिक मंचाचे अध्यक्ष गिल्हेर्म मार्टिन्स आदी उपस्थित होते. 100 टक्के निकाल प्राप्त केलेल्या 9 शाळांच्या मुख्याध्यापकांचाही गौरव करण्यात आला. कार्यक्रमाचे सूत्रसंचालन रमेश बाबय कोमरपंत तर नंदा सातारकर यांनी आभार व्यक्त केले.

कार्यक्रमात 10 वीच्या परीक्षेत तालुक्यात प्रथम आलेल्या शायना मिराशी, द्वितीय निराकार विद्यालयाच्या पूर्वा नाईक हिचा गाैरव करण्यात आला. 12 वीच्या परीक्षेत कला शाखेत प्रथम आलेल्या एस. एस. आंगले उच्च माध्यमिक विद्यालयाच्या भार्गवी उल्हास वारीक, वाणिज्य शाखेत प्रथम आलेल्या स्नेहा प्रेमानंद भंडारी, विज्ञान शाखेत प्रथम आलेल्या अंजिता गोविंद गावकर, तसेच श्री मल्लिकार्जुन उच्च माध्यमिक विद्यालयाच्या कुमार उमंग नाईक देसाई यांचा गौरव करण्यात आला.

कला शाखेत प्रथम आलेल्या श्री मल्लिकार्जुन व चेतन मंजू देसाई महाविद्यालयाचे विद्यार्थी दिप दिलीप गावकर, वाणिज्य शाखेत प्रथम आलेल्या प्रीती पार्क गावकर, विज्ञान शाखेत प्रथम आलेल्या प्रवीण आनंद गावकर यांचाही गौरव यावेळी करण्यात आला.