Ravindra Bhavan Canacona Opening Ceremony

काणकोण: येथील रवींद्र भवनचे मंगळवारी (ता. २७) सकाळी १० वाजता उदघाटन करण्यात येणार आहे. उदघाटन सोहळ्याला मुख्यमंत्री डॉ. प्रमोद सावंत, सभापती रमेश तवडकर, कला व संस्कृती मंत्री गोविंद गावडे, आमदार केदार नाईक, नगराध्यक्षा सारा नाईक देसाई, कला व संस्कृती खात्याचे संचालक सगुण गावडे, सचिव स्वेतिका सचन आदी मान्यवर उपस्थित राहणार आहेत.

२७ ते ३१ ऑगस्टपर्यंत विविध सांस्कृतिक कार्यक्रमांचे आयोजन केले आहे. २७ रोजी संध्याकाळी ७ वा. उपेंद्र दाते दिग्दर्शित ‘नटसम्राट’ नाटक सादर करण्यात येईल. बुधवारी (ता.२८) सकाळी १० वा. पथनाट्य स्पर्धा होईल. संध्याकाळी ७ वा. व्यंकटराय नाईक दिग्दर्शित ‘दुर्गासुर वध’ हा पौराणिक खेळ सादर करण्यात येईल. गुरुवारी (ता. २९) सकाळी १० वा. लोकनृत्यांचे सादरीकरण होईल. दुपारी २.३० वा. ऑक्रेस्ट्रा होईल. संध्याकाळी ७ वा. प्रवीण गावकर आणि साथींचे शास्त्रीय गायन होईल.

शुक्रवारी (ता. ३०) सकाळी १० वा. लोकनृत्ये सादर करण्यात येतील. संध्याकाळी ७ वा. ‘गिरगिरे’ हे तियात्र सादर करण्यात येईल. शनिवारी (ता. ३१) सकाळी लोकनृत्य सादरीकरण होईल. संध्याकाळी ७ वा. जयेंद्रनाथ हळदणकर दिग्दर्शित ‘तो मी नव्हेच’ हे नाटक सादर केले जाईल.