नाईकावाडा - कळंगुट येथे आज ४३ ग्रॅम वजनाचा तसेच अंदाजे ४३ हजार ९०० रुपये किमतीचा गांजा पोलिसांनी जप्त केला. या प्रकरणी पोलिसांनी संशयित सुहास कुमार (वय ३०, सध्या रहाणार कळंगुट, मूळ कर्नाटक) याच्या मुसक्या आवळल्या.

गुप्त सुत्रांकडून मिळालेल्या माहितीनुसार ही कारवाई करण्यात आल्याचे पोलिसांनी सांगितले. या कारवाईत कळंगुट पोलिस स्थानकाचे उपनिरीक्षक विश्वजीत ढवळीकर, सुरेश नाईक, मयुर गावडे, नितेश शेट गावकर तसेच गौरीश कारबोटकर यांनी सहभाग घेतला.

संशयित सुहास कुमार याची रवानगी पोलिस कोठडीत करण्यात आली आहे. वरिष्ठ अधिकाऱ्यांच्या मार्गदर्शनाखाली कळंगुट पोलिस स्थानकाचे निरीक्षक परेश नाईक या प्रकरणी अधिक तपास करीत आहेत.