Calangute Drug Case: गोव्यात वाढत्या शहरीकरणाबरोबरच गुन्हेगारीच्या घटनाही दिवसेंदिवस वाढू लागल्या आहेत. पोरबोवाडा येथे कळंगुट पोलिसांनी अंमली पदार्थांवर छापा टाकल्याचे वृत्त समोर आले असून यात एका संशयितास अटक करण्यात आली आहे.
याबाबत अधिक माहिती अशी की, कळंगुट येथील पोरबोवाडा येथे एका रिसॉर्टजवळ एक संशयित अंमली पदार्थ विक्री करण्यास येणार असल्याची माहिती कळंगुट पोलिसांना मिळाली होती. या माहितीच्या आधारे पोलिसांनी सापळा रचत यशस्वीरित्या छापा टाकला.
या छाप्यात संशयित बिजय मल्लिक (26, रा. ओडिशा) याला अटक करण्यात आली असून संशयिताकडून एकूण 5 लाख 50 हजार रुपये किंमतीचा 5.5 किलोग्रॅम गांजा जप्त करण्यात आला.
अंमली पदार्थ बाळगल्याप्रकरणी संशयित बिजय मल्लिक याच्यावर गुन्हा दाखल करत अटक करण्यात आली. ही कारवाई पीआय दत्तगुरू सावंत यांच्या देखरेखीखाली पीएसआय परेश सिनारी, पोलीस हवालदार विजय नाईक, अमीर गरड, भगवान पालयेकर, गणपत तिलोजी, संज्योत केरकर, आकाश नाईक यांनी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.