आज दिवसभरात वेगवेगळ्या ठिकाणी झालेल्या अपघातात गोव्यातील तिघांनी आपला जीव गमावला आहे. यात भर म्हणून थिवी येथे एका माहिलेचा मृतदेह आढळला आहे. पोलिसांनी ही हत्या असल्याचा संशय व्यक्त केला आहे.

(Body of a 30 year old women has been found with stone tied around her waist inside a well at Thivim)

मिळालेल्या माहितीनुसार एका विहिरीत महिलेचा मृतदेह आढळला आहे. ही घटना थिवी येथे घडली आहे. या घटनेमूळे परिसरात एकच खळबळ उडाली आहे. कोलवाळ पोलिसांनी याबाबत माहिती देताना सांगितले की, मृत महिला 30 वर्षीय असून प्राथमिक माहितीत ही हत्या असल्याचा संशय व्यक्त केला आहे. तसेच या महिलेच्या कमरेला दगड बांधलेला असल्याने परीसरात यावर जोरदार चर्चा सुरु आहे.

या महिलेचे नाव अथवा अधिकची माहिती मिळू शकलेली नाही. मात्र थोड्याच कालावधीत ती उपलब्ध होईल असे पोलिसांनी म्हटले आहे. तसेच या प्रकरणाच्या तळाशी जाणार असल्याचं पोलिसांनी म्हटले आहे.