पणजी: गोवा वैद्यकीय महाविद्यालय(Goa Medical collage) इस्पितळातून ज्येष्ठ नागरिक फ्रांसिस्को झेव्हियर फर्नांडिस(Francisco Xavier Fernandes) बेपत्ता झाल्याची तक्रार आज त्याच्या कुटुंबीयांनी दिली होती. मात्र चौकशीअंती त्याचा मृत्यू इस्पितळात 21 एप्रिलला झाला होता व मृतदेह गोमेकॉच्या(Gomaco) शवागारात ठेवण्यात आला होता. त्यामुळे या तक्रारीत काहीच तथ्य नसल्याची माहिती आगशीच्या पोलिसांनी(Goa Police) दिली. (The body of a missing unidentified man was found in Gomecos morgue)

मिळालेल्या माहितीनुसार गेल्या 18 एप्रिलला रात्रीच्यावेळी बाणावली येथील परिसरात रस्त्याच्या कडेला पडलेल्या एका अज्ञात ज्येष्ठ नागरिकाला हॉस्पिसिओ इस्पितळात कोणी तरी दाखल केले होते. त्याची प्रकृती गंभीर असल्याने त्याच रात्री दीडच्या सुमारास या अज्ञात व्यक्तीला गोमेकॉ इस्पितळात दाखल करण्यात आले. 21 एप्रिलपर्यंत त्याच्यावर वॉर्ड 113 मध्ये उपचार सुरू असताना त्याचे कोरोनामुळे निधन झाले होते. मृतदेह अज्ञात असल्याने तो गोमेकॉ शवागारात प्लास्टिकमध्ये लपेटून ठेवण्यात आला होता. 

कळंगुट, बागा समुद्रकिनारे बनताहेत धोकादायक 

दरम्यान, फ्रांसिस्को फर्नांडिस हा बेपत्ता असल्याची तक्रार त्याच्या कुटुंबियांनी आजपर्यंत कोणत्याच पोलिस स्थानकात नोंद केली नव्हती. आज त्याच्या कुटुंबियांनी आगशी पोलिसांत तक्रार दाखल केल्यावर पोलिसांनी याप्रकरणी प्राथमिक चौकशी सुरू केली. गोमेकॉ इस्पितळ शवागारात असलेल्या अज्ञात मृतदेहापैकी माहिती पोलिसांनी मिळवली. त्यातील एक मृतदेह बाणावली परिसरातून हॉस्पिसिओ इस्पितळात दाखल झाला होता त्यामुळे तेथील कोलवा पोलिसांशी संपर्क साधून शोध सुरू झाला. त्यावेळी झेव्हियर फर्नांडिस बेपत्ता असल्याचे समोर आले. त्याच्या कुटुंबीयांना मृतदेह ओळखण्यासाठी बोलावले असता तो फ्रांसिस झेव्हियर असल्याचे त्यांनी ओळखले. त्यानंतर त्याच्या कुटुंबियाने गोमेकॉ इस्पितळ अधिकाऱ्यांविरुद्ध तक्रार दाखल करून फ्रांसिस झेव्हियर फर्नांडिस बेपत्ता होण्यास ते कारणीभूत असल्याचा दावा केला आहे.

Goa Lockdown: सकाळी लोकांची मार्केटमध्ये वर्दळ; दुपारी 1 वाजला आणि...