Goa Black Panther Caught: दक्षिण गोव्यातील केपे तालुक्यातील बाळ्ळी येथे वन विभागाने लावलेल्या सापळ्यात ब्लॅक पँथर कैद झाला आहे. गेल्या काही दिवसांपासून या भागात ब्लॅक पँथरचा वावर असल्याची चर्चा होती. त्यातून आसपासच्या गावांमध्ये भीतीचे वातावरण होते. तथापि, वन विभागाने सर्वांना आश्वस्त केले होते.

मानवी वस्तीमध्ये घुसून कोणतीही जीवीतहानी होऊ नये म्हणून वन विभागाच्या वतीने ब्लॅक पँथरला पकडण्यासाठी सापळा लावण्यात आला होता. शुक्रवारी पहाटे चारच्या सुमारास या सापळ्यात ब्लॅक पँथर अडकला.

दरम्यान, ब्लॅक पँथरला पकडल्याने आसपासच्या गावातील लोकांनी सुटकेचा निश्वास टाकला आहे. या ब्लॅक पँथरला सुरक्षित अधिवासात सोडण्यात येऊ शकते. ब्लॅक पँथर हा बिबट्या वर्गातील दुर्मिळ प्राणी आहे.