काणकोण: माजी मंत्री रमेश तवडकर यांना पक्षाने भाजपची उमेदवारी जाहीर केल्यानंतर उपसभापती इजिदोर फर्नांडीस यांनी पुढील दिशा ठरविण्यासाठी कार्यकर्त्यांची शुक्रवारी (ता.21) संध्याकाळी 5 वाजता लोलये येथील निवासस्थानी बैठक बोलाविली आहे. त्याचबरोबर काल रात्री उशिरा त्यांनी आमदारकी, उपसभापती तसेच वनमहामंडळाच्या अध्यक्षपदाचा राजीनामा दिला आहे. (Goa Politics Latest News)

त्याचप्रमाणे भाजप (BJP) सदस्यत्वाचा राजीनामा त्यांनी पक्षाकडे पाठवून दिल्याचे त्यांनी सांगितले. तर भाजपची उमेदवारी मिळालेले रमेश तवडकर यांनी आपली घरघर चलो अभियान जोरदार पणे सुरू केले आहे. काणकोणात 2017 निवडणुकीची (Election) पुनर्वात्ती होणार आहे.मात्र चेहरे बदलले असतील. सद्याच्या राजकीय घडामोडीत भाजप कार्यकर्त्यांमध्ये कलगीतुरा वाढला आहे.