B L Santosh Goa Visit

पणजी: भाजपच्या प्रदेश कार्यकारिणीची निश्चिती करण्याच्या निमित्ताने भाजपचे राष्ट्रीय सरचिटणीस (संघटन) बी. एल. संतोष येत्या आठवड्यात गोव्यात येणार आहेत. ते यानिमित्ताने सरकारच्या कारभाराचाही आढावा घेतील अशी माहिती मिळाली आहे.

संघटन सचिवपद हे भाजपमध्ये महत्त्वाचे मानले जाते. अनेक निर्णय हे त्यांच्या पातळीवर घेतले जातात. त्यामुळे हे पद महत्त्वाचे मानले जाते. धोरणात्मक निर्णय घेताना या पातळीवर करण्यात आलेले विश्लेषण महत्त्वाचे मानले जाते. राज्य मंत्रिमंडळ फेरबदलाचा विषय गेले वर्षभर केवळ चर्चेच्या पातळीवर आहे. संतोष यांच्या दौऱ्याच्या निमित्ताने त्याची चर्चा पुन्हा सुरू झाली आहे.

संतोष या दौऱ्यादरम्यान मंत्री, आमदारांचे म्हणणेही जाणून घेणार आहेत. त्यामुळे सरकारच्या कारभाराविषयी त्यातून निर्माण होणारे आकलन काही निर्णय घेण्यास केंद्रीय नेत्यांना मदतीचे ठरेल असे मानले जात आहे.

प्रदेशाध्यक्षपदी दामू नाईक यांची निवड झाली, तरी अद्याप राज्य कार्यकारिणी अस्तित्वात आलेली नाही. राज्य सरचिटणीसपदाच्या दोन जागांवर कोणाची निवड होते याकडेही अनेकांचे लक्ष आहे. प्रदेश उपाध्यक्षपदी कोणते नवे चेहरे आणले जातील याविषयीही संघटनेच्या पातळीवर उत्सुकता आहे.