मये मतदारसंघातील कारापूर-सर्वण पंचायत अखेर आमदार प्रेमेंद्र शेट यांच्या हातातून पूर्णपणे निसटली आहे. या पंचायतीच्या रिक्त उपसरपंचपदी आमदारविरोधी गटातील दिव्या नाईक यांची वर्णी लागली आहे. आज गुरुवारी झालेल्या निवडणुकीत नाईक यांची बिनविरोध निवड झाली.
गेल्या एप्रिल महिन्यात मावळत्या उपसरपंच उज्ज्वला कवळेकर यांच्याविरोधातील अविश्वास ठराव संमत झाल्यापासून या पंचायतीचे उपसरपंचपद रिक्त होते. कारापूर-सर्वण पंचायतीच्या सरपंचांपाठोपाठ आता उपसरपंच पदाच्या निवडणुकीतही विरोधी गटाची सरशी झाल्याने या पंचायतीवरील आमदारांच्या वर्चस्वाला मोठा धक्का बसला आहे.
ऑगस्ट 2022 साली झालेल्या पंचायत निवडणुकीनंतर आमदार प्रेमेंद्र शेट यांच्या नेतृत्वाखाली कारापूर-सर्वण पंचायतीत भाजप गटाची सत्ता स्थापन झाली होती. आमदार समर्थक दत्तप्रसाद खारकांडे यांची सरपंचपदी तर तन्वी सावंत यांची उपसरपंचपदी वर्णी लागली होती. तन्वी सावंत यांनी राजीनामा दिल्यानंतर उज्ज्वला कवळेकर यांची उपसरपंचपदी वर्णी लागली होती.
मात्र गेल्या फेब्रुवारी सत्ताधारी गटात फूट पडली. त्यानंतर गेल्या मार्च महिन्यात खारकांडे यांची सरपंचपदावरून तर एप्रिल महिन्यात कवळेकर यांची उपसरपंचपदावरून चलबांगडी करण्यात आली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.