BJP Loss in Karnataka: कर्नाटक विधानसभा निवडणुकीत भाजपला मिळालेल्या पराभवानंतर देशभरातील पक्षाच्या प्रतिमेला चांगलाच धक्का पोहोचला आहे.
याबाबतच आज भाजपतर्फे घेण्यात आलेल्या प्रेस कॉन्फरन्समध्ये भाजपा गोवा प्रभारी सी.टी. रवी यांनी यावर भाष्य केले आहे.
आपण पंतप्रधान नरेंद्र मोदी यांच्यासारखे काम केले नसल्यामुळे हे अपयश आले असल्याचे मत त्यांनी व्यक्त केले.
यावेळी गोवा प्रभारी सी.टी. रवी म्हणाले की, कर्नाटकात भाजपला विजयाचा विश्वास असताना आलेले अपयश हे नक्कीच धक्कादायक होते. याची अनेक कारणे आहेत. पंतप्रधान नरेंद्र मोदी यांनी स्वत: सहभागी होत निवडणूक प्रचाराची धुरा सांभाळली होती.
आम्ही नरेंद्र मोदी यांच्यासारखे काम करू शकलो नाही, त्यामुळेच आम्ही अपयशी झालो आहोत. आमची ही चूक आम्ही मान्य केली आहे. आता या अपयशाची पोकळी पुढे येणाऱ्या लोकसभा निवडणुकीत भरून काढण्यासाठी आणि प्रयत्नशील आहोत.
ते पुढे म्हणाले की, यंदाच्या लोकसभा निवडणुकीत भाजप 350 हून अधिक जागा जिंकेल असा आम्हाला विश्वास आहे. या सभेवेळी केंद्रीय मंत्री श्रीपाद नाईक, भाजप प्रदेशाध्यक्ष सदानंद तानावडे तसेच भाजपचे सरचिटणीस दामू नाईक, इ उपस्थित होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.