वास्को: झुआरीनगर येथील बिट्स पिलानी गोवा कॅम्पसमधील लागोपाठ तीन विद्यार्थ्यांच्या आत्महत्त्यांनंतर या व्यवस्थापनाने अभ्यासक्रमात सुधारणा करण्याची घोषणा केली आहे.

कोणी विद्यार्थी तणावाखाली असल्यास ते संबंधित परीक्षा नंतर देऊ शकतात, अशी महत्त्वपूर्ण पाऊले उचलली आहेत. विविध शैक्षणिक साम्रगी सुव्यवस्थित करण्यासाठी समिती स्थापन करण्याचाही निर्णय घेतला

कॅम्पसने प्रसिद्धी पत्रकात नमूद केले आहे. विद्यार्थ्यांच्या निधनाबद्दल दु:ख व्यक्त करतानाच कॅम्पसमधील सपोर्ट सिस्टम आणखी कशी मजबूत करता येईल, हे समजून घेण्यासाठी अंतर्गत आढावा घेण्याचे काम सुरू केला आहे.

शैक्षणिक सामग्रीसाठी स्वतंत्र समिती

शैक्षणिक सामग्री सुलभ करण्यासाठी एक स्वतंत्र समिती स्थापन केली आहे. सुधारित अभ्यासक्रमात मानसिक व शारीरिक आरोग्य तसेच ताणतणाव व्यवस्थापनावरील नवीन अभ्यासक्रमांचा समावेश केला जाणार आहे. विद्यार्थ्यांना आधार व वेळेवर हस्तक्षेप करण्यासाठी एक विद्यार्थी कल्याण डॅशबोर्ड विकसित केला जाणार आहे.