P. S. Sreedharan Pillai: गोव्यातील जनता शांत स्वभावाची तेवढीच कष्टाळू आहे, असे गौरवोद्गार राज्यपाल पी. एस. श्रीधरन पिल्लई यांनी काढले. डिचोली मतदारसंघाच्या दौऱ्यावेळी मुळगाव येथे आयोजित बैठकीत डिचोली मतदारसंघातील विविध पंचायतींचे सरपंच, पंचसदस्य, डिचोलीचे नगरसेवक आणि जनतेला संबोधित करताना राज्यपाल बोलत होते.

राजकारणाबरोबरच आपला डॉक्टरी पेशा प्रामाणिकपणे सांभाळतात. त्याबद्दल त्यांनी डिचोलीचे आमदार डॉ. शेट्ये यांची प्रशंसा केली. डी-लिला सभागृहात आयोजित केलेल्या या बैठकीस डिचोलीचे आमदार डॉ. चंद्रकांत शेट्ये, मयेचे आमदार प्रेमेंद्र शेट

जिल्हा पंचायत सदस्य प्रदीप रेवोडकर, नगराध्यक्ष कुंदन फळारी, लाटंबार्सेचे सरपंच पद्माकर मळीक, मुळगावची सरपंच तृप्ती गाड, मेणकूरेचे सरपंच गुरूदास परब, साळची सरपंच सावित्री घाडी आणि अडवलपालची सरपंच सुबत्ता सामंत,राज्यपालांचे सचिव मिहीर वर्धन, डिचोलीचे उपजिल्हाधिकारी रोहन कासकर, मामलेदार राजाराम परब आणि गट विकास अधिकारी श्रीकांत पेडणेकर उपस्थित होते.

तत्पूर्वी सकाळी राज्यपाल यांनी मेणकूरे गावाला भेट दिली. त्यांनी मेणकूरेतील विद्यार्थ्यांशी संवादही साधला. मेणकूरे येथेही राज्यपालांचे जंगी स्वागत करण्यात आले.

आर्थिक मदतीचे वाटप

डिचोलीत विविध क्षेत्रात योगदान दिलेल्या मान्यवरांचा राज्यपाल पी. एस. श्रीधरन पिल्लई यांच्या हस्ते सत्कार करण्यात आला. तसेच डायलीसिस आणि कर्करोगग्रस्ताना मदतीचे धनादेश वितरीत करण्यात आले. राष्ट्रगीताने कार्यक्रमाची सुरवात झाली. शुभा दिक्षित, प्रा. धारगळकर आणि प्रताप उगवेकर यांनी सूत्रसंचालन केले.

डिचोलीत उत्साह

राज्यपालांनी आपल्या दौऱ्यांत देवदर्शनाबरोबरच सर्वसामान्यांच्या समस्या जाणून घेतल्या. कर्करोगग्रस्नातांना धनादेश वितरण केले. त्याबाबत ग्रामस्थांत समाधान व्यक्त करण्यात आले. एकूणच या दौऱ्यावेळी ग्रामस्थात उत्साह दिसून आला.

गजनृत्याचा आस्वाद

बैठकस्थळी राज्यपाल पिल्लई यांचे आगमन होताच त्यांचे भव्य स्वागत करण्यात आले. राज्यपालांच्या पत्नी के. रिटा यांचा सन्मानही करण्यात आला. यावेळी धनगर बांधवांतर्फे गजनृत्य (चपय) सादर करण्यात आले. राज्यपालांनी या धनगर समाजाच्या लोकनृत्याचा आस्वाद घेतला.

आमदारांनी मांडल्या समस्या

आमदार डॉ. शेट्ये यांनी यावेळी मतदारसंघातील समस्या मांडल्या. खाणबंदीमुळे कामगारांवर संकट आले आहे. रोजगाक हीच प्रमुख समस्या सोडविण्यासाठी नियोजित औद्योगिक वसाहतीला लवकर चालना मिळण्याची गरजही आमदारांनी राज्यपालांकडे मांडली.