डिचोली: शहरात मोकाट गुरांची समस्या कायम असून, वाठादेव ते व्हाळशी या चौपदरी बगलमार्गावर तर मोकाट गुरांची समस्या गंभीर बनली आहे. या मार्गाचे जून २०२४ मध्ये लोकार्पण झाल्यापासून गेल्या दोन वर्षांत १५ गुरांचे बळी गेल्याने येथे मोकाट गुरांचा उपद्रव वाढल्याचे स्पष्ट होते.
वाठादेव ते व्हाळशी या चौपदरी बगलमार्गावर सर्वत्र मोकाट गुरे कळपाने संचार करताना दिसतात. रात्रीच्यावेळी या बगलमार्गावर काही ठिकाणी गुरे ठाण मांडून बसलेली आढळतात. वाठादेव येथील धोकादायक जंक्शनवर तर मोकाट गुरे बगलमार्गावरच ठाण मांडून असल्याचे दिसून येते.
बगलमार्गावर ठाण मांडणाऱ्या मोकाट गुरांमुळे दिवसेंदिवस मोठी समस्या निर्माण होत असून, अपघातांचा धोकाही वाढला आहे. या गुरांना वाचवताना वाहनचालकांना अक्षरशः कसरत करावी लागते. निष्पाप गुरांचे बळी जातानाच वाहनचालकही गंभीर जखमी होत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.