डिचोली: डिचोली पालिकेच्या उपनगराध्यक्ष सौ. तनुजा राजाराम गावकर यांनी आपल्या पदाचा राजीनामा दिला आहे. भाजप गटात ठरल्याप्रमाणे एक वर्षाचा कार्यकाळ संपल्याने त्यांनी राजीनामा दिल्याची माहिती मिळाली आहे. तसे सौ. गावकर यांनी नगराध्यक्षाना सादर केलेल्या राजीनामापत्रात नमूद केले आहे.

गेल्यावर्षी पालिका निवडणूक होताच 1 एप्रिल रोजी झालेल्या निवडणुकीत तनुजा गावकर यांची उपनगराध्यक्षपदी बिनविरोध निवड झाली होती. तनुजा गावकर यांनी उपनगराध्यक्षपदाचा राजीनामा दिल्याने महिलांसाठी राखीव असलेल्या उपनगराध्यक्षपदावर आता कोणाची वर्णी लागते, ते पहावे लागेल.