Local Residents Angry Over Hill Area Reclassification in Arambol

हरमल: हरमल पंचायत क्षेत्रातील भटवाडी वाड्यावर अंदाजे ३.५ लाख चौमी. असलेला डोंगर सेटलमेंट झोनमध्ये रुपांतरित केल्याने भटवाडी वाड्यावरील सुमारे २०० संतप्त ग्रामस्थांनी जोरदार विरोध दर्शवला. सदर प्रश्‍न धसास लावण्यासाठी समितीची स्थापना करण्यात आली.

ह्या सभेस तीन वाड्यावरील ग्रामस्थ मोठ्या संख्येने उपस्थित होते.या सभेस त्या वाड्यावरील माजी मुख्यमंत्री लक्ष्मीकांत पार्सेकर, माजी सरपंच रामचंद्र केरकर, पंच भिकाजी नाईक , पत्रकार चंद्रहास दाभोलकर व ॲड. प्रसाद शहापूरकर उपस्थित होते. सदर झोनबदल ही चुकीची दुरुस्ती नसून जाणूनबुजून केली आहे व त्यामुळे उद्देश स्पष्ट आहे. ह्या विषयाची धग माझ्या घरापर्यंत असल्याने याची तीव्रता समजून येते.

पर्यावरणाचा समतोल राखण्यासाठी मोठाले प्रकल्प नको असल्यास,जनतेने प्रखर विरोध करणे आवश्यक असते.जमीन विक्री ते विकसित करण्याचे सोपस्कार नवीन मालकाकडे आहेत.मात्र तो कसा विकसित करतो,ह्याकडे जनतेचे लक्ष अस्यायला हवे.मात्र मुळात डोंगर जमीन रुपांतरण हा बेकायदा प्रकार असून पर्यावरणाची नासधूस व विध्वंस करून जनतेला विकास नको आहे,त्यासाठी सर्वांनी वज्रमूठ करून विरोध केला पाहिजे,असे ॲड प्रसाद शहापूरकर यांनी सांगितले.ह्यावेळी मांद्रे ,मोरजी,चोपडे आदी भागातील कित्येक प्रकरणाचा उहापोह केला,असे ॲड. शहापूरकर यांनी सांगितले.

...तर आम्हीच उपरे ठरू!

वया क्षेत्रात अंदाजे पन्नास हजार चौरस मीटर क्षेत्र असून,ह्यांना खूप धोका आहे,त्यात माझे घर आहे.पुढील वीस वर्षात नेमके आम्ही मागास,आदिवासी ठरू अशी स्थिती निर्माण झाल्यास,आम्ही उपरे ठरू अशी भीती आहे. पंचायत सदस्यांनी जनतेच्या पाठीशी ठाम राहिले पाहिजे, तेव्हा विनाशकारी प्रकल्प येणार नाहीत,असे मत माजी मुख्यमंत्री पार्सेकर यानी व्यक्त केले. दरम्यान, मुख्यमंत्री असताना,एक व्यक्ती आपल्याकडे आली, अनेक ऑफर्स दिल्या, मात्र ते पातक माथ्यावर नको म्हणून आपण धुडकावून लावल्याचे पार्सेकर यांनी सांगताच उपस्थितांनी टाळ्या वाजवून दाद दिली.