Tourist Death in Goa: गोव्यात फिरण्यासाठी आलेल्या पश्‍चिम बंगालमधील एका पर्यटकाचा मृत्यू झाल्याची धक्कादायक घटना समोर आली आहे. मयत पर्यटकाचे नाव दीपू चौधरी (४०) असे आहे. हा पर्यटक कोलवा येथील टुरिस्‍ट गेस्‍ट हाउसमध्‍ये उतरला होता.

छातीत वेदना सुरू झाल्‍याने त्‍याला मडगावच्‍या सरकारी इस्‍पितळात नेण्‍यात आले. मात्र त्याचा मृत्यू झाल्याचे सरकारी इस्‍पितळाच्‍या डॉक्‍टरांनी सांगितले. हॉस्पिटलमध्ये नेईपर्यंत त्‍याचा मृत्यू झाला होता.

दरम्यान, कोलवा पोलिसांनी अनैसर्गिक मृत्‍यू म्‍हणून फौजदारी आचार संहितेच्‍या १७४ कलमाखाली हे प्रकरण नोंद केले आहे.

मोरजी समुद्रात बुडून देशी पर्यटकाचा मृत्यू

मागच्या आठवड्यात मोरजी समुद्रात बुडून एका देशी पर्यटकाचा मृत्यू झाला. बुडालेली व्यक्ती देशी पर्यटक अथवा कामगार असल्याची शक्यता वर्तवली जात आहे.