Beer To Get Costlier in Goa: गोव्यात स्वस्त मद्य मिळते म्हणून अनेक पर्यटक आणि जवळच्या राज्यातील लोक गोव्यात येत असतात. पण, आता गोव्यात देखील मद्य महाग होणार आहे. गोवा सरकारने बिअरवरील अबकारी करात 10 ते 12 रूपयांची वाढ करण्याचा निर्णय घेतला आहे. त्यामुळे गोव्यात आता प्रती लिटर घाऊक बिअरमागे दहा रूपये अधिक मोजावे लागणार आहेत. (Beer Rate In Goa)

गोव्यात मद्याला अधिक मागणी आहे, येथील स्वस्त दरात मिळणाऱ्या मद्यामुळे अनेक पर्यटक राज्यात येत असतात. राज्य सरकाराला देखील यातून मोठे उत्पन्न मिळत असते. पण, गोव्यातील मद्याच्या किंमतीत वाढ होणार असल्याचे संकेत यापूर्वीच मद्य उद्योगाने दिले होते. प्रारंभी घाऊक बिअरच्या खरेदीसाठी अबकारी कर 30 रूपये वरून 42 रूपये केल्याने तिथे 12 रूपयांची वाढ झाली आहे. (Goa Liquor Rate)

तसेच, प्रिमियम दर्जाची बिअर म्हणजेच पाच टक्के अल्कोहोल असलेली बिअरची रिटेल किंमत 160 प्रती बॉटल झाली आहे. याठिकाणी 60 रूपये कर लावण्यात आला असून, पूर्वी हा कर 50 रूपये एवढा होता. त्यामुळे येथे दहा रूपयांची वाढ ग्राहकांना सोसावी लागणार आहे. त्यामुळे बिअर दरवाढीचा फटका आता गोव्यात देखील तळीरामांना बसणार एवढं निश्चित.