आश्वे: आजोबा मंदिराजवळ असलेल्या एका रिसॉर्टला आग लागल्याची घटना सोमवारी (१७ फेब्रवारी) घडली आहे. ही आग शॉर्ट सर्किटमुळे लागल्याचा प्राथमिक अंदाज व्यक्त करण्यात आला आहे. सकाळी उशिरा ही आग लागली, ज्यामुळं परिसरात मोठा गोंधळ निर्माण झाला होता.
रिसॉर्टला आग लागल्यानं परिसरातील स्थानिक नागरीक आणि कर्मचारी यांच्यात भीतीचं वातावरण होते. घटनेची माहिती मिळाल्यानंतर, अग्निशामक दल तत्काळ घटनास्थळी पोहोचले आणि आगीवर नियंत्रण मिळवले.
आगीची तीव्रता प्रचंड असल्यामुळे परिसरात मोठ्या प्रमाणात धूराचे लोट पसरले होते. अथक प्रयत्नानंतर अग्निशामक दलाच्या पथकाकडून आगीवर नियंत्रण मिळवण्यात आलं. आगीचं कारण अद्याप स्पष्ट झालेलं नाही. मात्र संशय व्यक्त केला जात आहे की, रिसॉर्टमध्ये शॉर्ट सर्किटमुळे आग लागली.
या आगीमुळे रिसॉर्टच्या मालमत्तेचे मोठे नुकसान झाले आहे. प्राथमिक अंदाजानुसार, एकूण २५ लाख रुपयांचे नुकसान झालं आहे. आगीने रिसॉर्टच्या काही महत्त्वाच्या भागांमध्ये मोठा नासधूस केली आहे, परंतु कोणतीही जीवितहानी झाल्याची माहिती नाही.
आग लागण्याचे कारण शॉर्ट सर्किट असल्याचा अंदाज असून, प्रशासनाने याबाबत अधिक तपास सुरू केला आहे. आगीच्या या घटनेमुळं परिसरातील स्थानिकांमध्ये चिंतेचं वातावरण आहे, मात्र सध्या परिस्थिती नियंत्रणात आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.