Ban on sale of liquor after 11 pm in Goa  Dainik Gomantak
गोवा

गोव्यात रात्री 11 नंतर मद्यविक्री बंदी

दैनिक गोमन्तक

पणजी: विधानसभा निवडणुकीच्या (Goa Election) पार्श्‍वभूमीवर राज्यात (Goa) निवडणूक आचारसंहिता लागू झाली आहे. त्यामुळे रात्री 11 वाजल्यानंतर राज्यात मद्यविक्रीस बंदी घालण्यात आली आहे. ही बंदी राज्यातील आचारसंहिता असेपर्यंत कायम असेल असे दक्षिण गोव्याच्या जिल्हाधिकारी रुचिका कटयाल यांनी आदेशात म्हटले. मद्यविक्री करणारी घाऊक व किरकोळ दुकाने, बार, पब्ज, शॅक्स तसेच क्लबना रात्री 11 वाजल्यानंतर मद्यविक्री करता येणार नाही.

मद्य नसलेली इतर दुकाने व आस्थापने ही नेहमीप्रमाणे रात्री उशिरापर्यंत खुली ठेवता येतील. रात्री 11 नंतर दारू विक्री आढळल्यास त्याचा दारू विक्रीचा परवाना रद्द करण्या बरोबर दुकान मालकावर फौजदारी कारवाई करण्यात येणार आहे.

दरम्यान राज्यात ओमिक्रॉन बाधितांचे प्रमाण झपाट्याने वाढत असून पॉझिटिव्हिटी रेट 40 टक्क्यांच्या आसपास आहे. या पार्श्वभूमीवर नागरिकांनी सतर्क राहणे गरजेचे असल्याचे मत आरोग्य विभागाने व्यक्त केला आहे. आज सक्रिय रुग्णांची संख्या 18 हजार 596 झाली आहे तर पॉझिटिव्हिटी रेट 39.10 टक्क्यांवर गेला आहे. चोवीस तासात नवे 3145 रुग्ण सापडले आहेत.

राज्यात18 हजार 597 सक्रिय रुग्ण असून त्यापैकी222 रुग्ण रुग्णालयांत उपचार घेत आहेत. यामध्ये गोमेकॉत157 तर खाजगी रुग्णालयांमध्ये 65 रुग्ण उपचार घेत आहेत. यापैकी गोमेकॉत 17 तर खाजगीमध्ये12 रुग्ण आयसीयूमध्ये आहेत. निवडणूक आयोगाने घालून दिलेले निर्बंध31जानेवारीपर्यंत वाढवावेत असे आवाहन ज्येष्ठ वैद्यकीय सल्लागार डॉ.धनेश वळवईकर यांनी केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Today's News Live: तम्नार प्रकल्प रखडणार! कर्नाटकचे शेपूट वाकडेच, सिद्धरामय्यांनी कळसा-भांडुराचा मुद्दा केला उपस्थित

रस्त्यांच्या अवस्थेवरुन काँग्रेस आक्रमक; दहा दिवसांत काम सुरु न झाल्यास आंदोलन छेडण्याचा इशारा

फोंड्यात 'हेडा गॅब्लर'चा प्रयोग; 125 वर्षापूर्वी लिहलेले नोर्वेजियन नाटककाराचे नाटक पाहण्याची संधी

Indian Super League: FC Goa च्या कामगिरीवर प्रशिक्षक मार्केझ भडकले; जमशेदपूर विरोधात पराभवाचे कारणही केले स्पष्ट

Eco Green Cement: 'इको ग्रीन सिमेंट' ठरणार बांधकाम क्षेत्रासाठी वरदान; विद्यार्थ्यांचा क्रांतिकारक प्रकल्प

SCROLL FOR NEXT