Babush Monserrate Case

महसूलमंत्री बाबूश मोन्‍सेरात यांविरोधात सुरू असलेल्या अल्पवयीन मुलीच्या कथित बलात्कारप्रकरणाची सुनावणी येत्या बुधवारी 14 फेब्रुवारीला असणार आहे. या प्रकरणातील दोन्‍ही संशयित न्‍यायालयात उपस्‍थित नसल्‍याने सुनावणी तहकूब करण्‍यात आल्याचे संगण्यात येत आहे.

या प्रकरणात बाबूश मोन्सेरात यांच्‍याबरोबर त्‍या अल्‍पवयीन मुलीला मोन्‍सेरात यांना विकल्‍याचा आराेप असलेली मुलीची आईही संशयित आहे. राजकारण्‍यांविरोधातील खटले हाताळणारे खास न्‍यायाधीश न्‍या.इर्शाद आगा यांच्‍यासमोर ही सुनावणी चालू आहे.

2016 साली बाबूश मोन्‍सेरात यांनी त्‍या अल्‍पवयीन मुलीला तिच्‍या आईकडून 50 लाख रुपये देऊन विकत घेतले आणि नंतर तिला गुंगीचे औषध पाजून तिच्‍यावर बलात्‍कार केल्‍याचा आरोप ठेवण्‍यात आला आहे.

2016 साली मे महिन्‍यात पणजी महिला पोलीस स्‍थानकात हे प्रकरण नोंद झाले होते. आमदार असलेले मोन्‍सेरात यांनी एका अल्‍पवयीन मुलीला तिच्‍या आईकडून 50 लाख रुपयाला विकत घेतले आणि नंतर गुंगीचे औषध पाजून तिच्‍यावर बलात्‍कार केला, असा आरोप त्‍यांच्‍यावर ठेवण्‍यात आला आहे. त्‍या मुलीची आई या प्रकरणात सहयोगी आरोपी आहे.