Valpoi : गोवा हे सांस्कृतिकदृष्ट्या संपन्न असे राज्य आहे. सत्तरी सारख्या ग्रामीण भागातून आजही विविध समाजगट ही संपन्नता जोपासत आहेत. समाजाच्या विविध गटांतून तयार झालेली गीते, नाचाचे प्रकार, कविता, संकल्पना यांचा समावेश लोककलांमध्ये होतो.

लोकरंगभूमी विकसित झाली ती फक लोककलाकारांमुळे. त्यामुळे त्यांच्या कार्याचा सन्मान हा झाला पाहिजे, असे प्रतिपादन वाळपई सम्राट क्लबचे अध्यक्ष अशोक काणेकर यांनी केले. सम्राट क्लब वाळपईतर्फे रंगभूमी दिन साजरा करण्यात आला यावेळी ते बोलत होते.

झर्मे सत्तरील येथील ज्येष्ठ लोककलाकर श्री सातू माजीक यांचा स्थानिक पंच श्री गुरुदास गावस ह्यांच्या हस्ते सन्मान चिन्ह देऊन गौरविण्यात आले. सदर कार्यक्रम झर्मे येथील सातेरी केळबाय देवस्थान सभागृहात झाला. ह्या सोहळ्यास क्लबचे अध्यक्ष अशोक काणेकर, सचिव चंदन गावस, श्री सुभाष गावस, श्री अंकुश धुरी, श्री संजय हळदणकर व देवस्थानचे पुजारी तसेच इतर ग्रामस्थ उपस्थीत होते.