राज्याचे प्रशासन गतिमान होण्याबरोबर राज्यातील विद्यार्थ्यांमध्ये संशोधनात्मक आवड निर्माण व्हावी यासाठी ‘मुख्यमंत्री फेलोशिप’ कार्यक्रम महत्त्वाचा आहे. यंदा यासाठी 20 उमेदवारांची निवड केली असल्याची माहिती मुख्यमंत्री डॉ. प्रमोद सावंत यांनी दिली.

मुख्यमंत्री फेलोशिप कार्यक्रमांतर्गत निवड झालेल्या १० उमेदवारांना सोमवारी (ता.१२) मुख्यमंत्री डॉ. सावंत यांच्या हस्ते नियुक्तीपत्रे सादर करण्यात आली. मंत्रालयात झालेल्या या कार्यक्रमाला सांख्यिकी खात्याचे संचालक विजय सक्सेना उपस्थित होते.

या उमेदवारांमध्ये संचिता शांताराम नाईक, कनिशा कांता बेतोडकर, कालिंदी गुरुप्रसाद शेट्ये, श्रुती शानू देसाई, शायना रॉड्रिग्ज, नेहा गावकर, साईच्छा बोंबो देसाई, हर्षद अर्जुन निगुडकर, नितीन नवलू पाटील, सोनाली भानुदास गावकर यांचा समावेश होता.

"राज्यातील विद्यार्थ्यांमध्ये संशोधनात्मक वृत्ती वाढावी आणि अशा गुणात्मक विद्यार्थ्यांचा प्रशासनाला लाभ व्हावा यासाठी ही फेलोशिप योजना जाहीर केली आहे. गेल्यावेळी 10 आणि आता 20 उमेदवारांची यासाठी निवड केली आहे. या विद्यार्थ्यांना वर्षासाठी 40 हजार रुपये मानधन दिले जाते. संबंधित विद्यार्थ्यांना त्यांच्या आवडीच्या क्षेत्रात काम करता येते आणि त्याचा प्रशासनालाही लाभ होतो."

डॉ. प्रमोद सावंत, मुख्यमंत्री