Goa Home science College: गोवा कॉलेज ऑफ होम सायन्स तर्फे २९ सप्टेंबर रोजी ‘अन्नाचा अपव्यय थांबवा’ या संकल्पनेवर आधारित स्पर्धा आयोजित करण्यात आली आहे. ही स्पर्धा अन्न आणि औषध प्रशासन विभागाच्या प्रांगणात सकाळी 9 ते दुपारी 3.30 वाजेपर्यंत घेण्यात येईल.

सूत्रांनी दिलेल्या महितीनुसार, संयुक्त राष्ट्र महासभेने २९ सप्टेंबर हा ‘अन्नाचे नुकसान आणि नासाडी (आयडीएएफएलडब्लू) जागरुकता विषयक आंतरराष्ट्रीय दिवस’ म्हणून घोषित केला आहे. हा दिवस संयुक्त राष्ट्रांच्या अन्न आणि कृषी संघटना (एफएओ) आणि संयुक्त राष्ट्र पर्यावरण कार्यक्रम (युएनइपी) द्वारे एकत्रितपणे आयोजित केला जातो. याचा उद्देश समस्येचे महत्त्व, सर्व स्तरांवर संभाव्य उपायांबद्दल जागरूकता वाढवणे आणि प्रोत्साहन देणे हे आहे.

 शाश्वत विकास लक्ष्य 12 (जबाबदार उपभोग आणि उत्पादन) पूर्ण करण्यासाठी जागतिक प्रयत्न आणि सामूहिक कृती, जे 2030 पर्यंत किरकोळ आणि ग्राहक स्तरावर दरडोई जागतिक अन्न अपव्यय निम्म्यावर आणण्याचे लक्ष्य ठेवते आणि अन्न उत्पादन आणि पुरवठा साखळीसह अन्नाचे नुकसान कमी करते.

यानिमित्ताने ‘स्टॉप फूड वेस्ट’ या राज्यस्तरीय अडथळा स्पर्धा ‘हडल’चे आयोजन केले आहे. या उपक्रमाचे सहयोगी आहेत: अन्न व औषध प्रशासन संचालनालय , गोवा सरकार. घरगुती, समुदाय आणि व्यावसायिक स्तरावर अन्नाचा अपव्यय रोखण्याच्या गरजेवर जोर देण्याचा तसेच अन्नाचा पुनर्प्रयोग करणे हा राज्य-स्तरीय स्पर्धेचा हेतू आहे.