साखळी : साखळी येथे 108 रुग्णवाहिका आणि कारचा भीषण अपघात झाला आहे. अपघातात कारमधील तिघे जण गंभीर जखमी झाले आहेत. रविवारी रात्री उशिरा हा अपघात झाल्याची माहिती आहे. जखमींना तातडीने रुग्णालयात हलवण्यात आलं आहे. (Sakhali Accident News Updates)

होंडा येथे झालेल्या अपघातस्थळी जाताना वाटेत रुग्णवाहिकेची कारला धडक बसून अपघात झाला. ही धडक इतकी जोरदार होती कारमधील तिघेही गंभीर जखमी झाले. तिघांनाही दुसऱ्या रुग्णवाहिकेतून गोवा वैद्यकीय महाविद्यालयाच्या (GMC) रुग्णालयात दाखल करण्यात आलं असून त्यांच्यावर उपचार सुरु आहेत.

दरम्यान आर्लेम सर्कलजवळ दोन चारचाकी वाहनांची टक्कर झाली आणि दोन्ही वाहनांचे मोठ्या प्रमाणात नुकसान झाले. हा अपघात (Accident) दुपारी एक वाजण्याच्या दरम्यान घडला होता. या वाहनांचे मोठ्या प्रमाणात नुकसान झाले असले तरी वाहनचालकांना कोणतीही दुखापत झाली नाही. अपघाताची माहिती मायणा कुडतरी पोलिसांना मिळताच पोलिस घटनास्थळी दाखल झाले आणि पंचनामा करून दोन्ही वाहने अपघातस्थळावरून हटविण्यात आली. या अपघातामुळे येथे काही काळासाठी वाहतुकीची कोंडी (Traffic Jam) झाली होती.