मडगाव : वार्का (Varca) येथे घरात एकटाच राहणाऱ्या त्रिनदाद मार्टिन्स या 80 वर्षीय वृद्धाचा कुणी तरी अज्ञाताने डोक्यात लोखंडी दांड्याचा प्रहार करून हत्या केल्याची घटना घडली असून रात्री उशिरा घडलेल्या या प्रकारामुळे सगळेच भांबावून गेले आहेत.

मयताच्या तोंडावर असंख्य जखमा सापडल्या असून ही हत्या (Murder) नेमक्या कोणत्या कारणासाठी केला हे स्पष्ट झालेले नाही.

हत्या करणारा उघड्या दरवाजातून आत आला व मार्टिन्स यांच्यावर त्याने लोखंडी दांड्याने हल्ला केला. पोलिसांनी (police) घटना स्थळावरून हा लोखंडी दांडा जप्त केला आहे. कोलवा पोलीस स्थानकाचे निरीक्षक मेल्सन कुलासो या प्रकरणात तपास करत आहेत.