पणजी: राज्य सरकार भ्रष्टाचाऱ्याच्या नरकासुरात बरबटलेले आहे. हेच सरकार भ्रष्टाचार संपविण्याची भाषा बोलणे हा सर्वात मोठा विनोद असल्याचा, आरोप करीत ॲड. अमित पालेकर यांनी राज्यात लागू होणाऱ्या ‘डिपॉझिट रिफंड स्किम'' अंतर्गत नागरिकांची, पर्यटकांची पिळवणूक आणि फसवणूक होणार आहे व त्यामागे मोठा घोटाळ्याची भीती व्यक्त केली.

‘आप’च्या कार्यालयात झालेल्या पत्रकार परिषदेत ॲड. पालेकर यांच्यामवेत जॉन मास्कारेन्हास, फ्रान्सिस कुएल्हो, वाल्मिकी नाईक यांची उपस्थिती होती. ते म्हणाले की, १२ ऑगस्टला नवी अधिसूचना काढण्यात आली आहे.

एखादी प्लास्टिक बाटली खरेदी केली, तर त्यावर जीएसटी लावली जाणार आहे. त्याशिवाय डिपॉझिट रिफंड स्किम म्हणून काही रक्कमही वाढविली जाणार आहे. त्यामुळे २० रु.ची पाणी बाटली २५ ते ३० रु.ना खरेदी करावी लागणार आहे. तसेच जर एखाद्याने बाटली खरेदी केली तर त्याला डिपॉझिट म्हणून दुकानदाराकडे राहणारे ५ रुपये मिळविण्यासाठी त्याच दुकानात परत जावे लागणार आहे.