Crime  Dainik Gomantak
गोवा

मोपा पोलिसांची मोठी करवाई , विमानतळावर ७० हजारांचा गांजा जप्त

दैनिक गोमन्तक

पेडणे : मोपा विमानतळ पोलिसांनी पोलिस स्थानक सुरू झाल्यानंतर आज प्रथमच विमानतळाच्या प्रवेशद्वारावर गांजा विकणाऱ्या राजन कुमार वसंत शहा (वय २१) या युवकाला अटक केली आहे. मोपा विमानतळ पोलिस निरीक्षक महेश केरकर यांच्या नेतृत्वाखाली पोलिस उपनिरीक्षक दीपक हळर्णकर, जयंत गाड, अनिकेत गाड, आशिष परब, गुंडू गावस आदींनी ही कारवाई केली. पोलिसांनी राजन कुमार वसंत शहा यास चौकशीसाठी ताब्यात घेतले असता त्याच्याकडे ७०० ग्रॅम गांजा सापडला. त्या गांजाची बाजारात ७० हजार रुपये एवढी किंमत आहे. संशयितावर अमलीपदार्थ कायद्यानुसार गुन्हा नोंद करण्यात आला.

मोपा विमानतळ प्रकल्पात गेल्या दोन दिवसांपूर्वी स्वतंत्र पोलिस स्थानक स्थापन झाले व तेथे पोलिस निरीक्षकपदी महेश केरकर यांची नियुक्ती केली आहे. त्यानंतर मोपा विमानतळ परिसरात प्रथमच अमलीपदार्थ विरोधी कारवाई झाली. अमलीपदार्थाचा छडा लावताना पोलिस निरीक्षक महेश केरकर यांनी शिताफीने सापळा रचून संशयितास पकडले व त्याच्याकडून ७०० ग्रॅम गांजा जप्त केला. चौकशीनंतर संशयिताला ताब्यात घेऊन त्याला रितसर अटक केली. उत्तर गोवा पोलीस अधीक्षक शोबित सक्सेना, पेडणे ( Pernem) तालुका पोलिस उपअधीक्षक सिद्धांत शिरोडकर यांच्या मार्गदर्शनाखाली मोपा पोलिस पुढील तपास करीत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Subhash Velingkar: सुभाष वेलिंगकरांची अटक अटळ? कोर्टाचा दिलासा नाही, जामीन अर्जावर सोमवारी सुनावणी

Saint Francis Xavier: सुभाष वेलिंगकरांच्या अटकेसाठी उद्रेक; पर्यटक, विद्यार्थ्यांचे हाल, गोव्यात दिवसभर कुठे काय घडलं?

BKC ते आरे JVLR पंतप्रधान मोदींचा मेट्रोने प्रवास; शाळकरी विद्यार्थी, महिलांशी साधला संवाद पाहा Video

Goa HSE Board Exam: गोवा बारावी बोर्ड परीक्षेच्या वेळापत्रकात बदल, JEE परीक्षेमुळे मोठा निर्णय

गिरीत बंदिस्त खोलीत आढळला मृतदेह , संशयास्पद मृत्यूचा कुटुंबियांचा अंदाज; गोव्यातील ठळक बातम्या

SCROLL FOR NEXT