Aguada Fort: गोव्यातील आग्वाद किल्ला पाहण्यासाठी जगभरातील पर्यटक आवर्जून हजेरी लावत असतात. ऐतिहासिक महत्व असल्याने किल्ला पर्यटन खात्याच्या अंतर्गत येतो आणि तो पाहण्यासाठी फी घेतली जाते.

किल्ल्यावर जाण्यासाठी आता आकारल्या जाणाऱ्या शुल्कात वाढ करण्यात आली आहे. मूळ गोमन्तकीय लोकांना देखील यासाठी जास्त पैसे मोजावे लागणार आहेत.

कोणाला किती रुपये द्यावे लागतील?

परदेशी पर्यटक - 400 रुपये

भारतीय पर्यटक - 200 रुपये

ज्येष्ठ नागरिक आणि लहान मुले (8-15 वय) - 100 रुपये

गोमन्तकीय नागरिक - प्रौढ व्यक्ती 100 रुपये आणि ज्येष्ठ नागरिक 50 रुपये.

गोवा मुक्तीलढ्यात सहभागी झालेल्या अनेक स्वातंत्र्यसैनिकांनी आग्वाद किल्ल्यात कारावासाची शिक्षा भोगली आहे. अशा ऐतिहासिक किल्ल्याचे गोवा सरकारने संग्रहालयात रूपांतर केले आहे.

आग्वाद किल्ल्याला दरवर्षी हजारो देशी आणि विदेशी नागरिक भेट देऊन स्वातंत्र्यसैनिकांना आदरांजली वहातात