Agonda Beach :

काणकोण, गालजीबाग व आगोंद किनाऱ्यांवर आतापर्यंत २०२ सागरी कासवांनी १९,६३२ अंडी घातली. त्यापैकी गालजीबाग किनाऱ्यावर ३९ कासवांनी ३,७५८ व आगोंद किनाऱ्यावर १६२ कासवांनी १५,७९० आणि अन्यत्र एक सागरी कासवांनी ८९ अंडी घातली.

त्यापैकी गालजीबाग किनाऱ्यावरून ५८३ सागरी कासवांच्या पिल्लांना समुद्रात सोडले तर आगोंद किनाऱ्यावरून १,०८३ पिल्लांना सोडण्यात आले.

आजपर्यंतच्या सागरी कासवांच्या जतन व संवर्धन इतिहासात यंदा सर्वाधिक कासवांचे आगमन झाले आहे, अशी माहिती वन खात्याचे सागरी विभागाचे क्षेत्रीय वनाधिकारी राजेश नाईक यांनी दिली.