Accident At Canacona: काणकोण मनोहर पर्रीकर बायपास मार्गावर एका कारचा भीषण अपघात झाला आहे. भरधाव कार चक्क रस्त्याकडेच्या लोखंडी बॅरिकेडमध्ये घुसली आहे. या अपघातात एकजण जखमी झाला आहे. आज (रविवारी) दुपारच्या सुमारास हा अपघात झाला.

(Accident Reported at Canacona, Guardrail pierced through car)

मिळालेल्या माहितीनुसार, काणकोण मनोहर पर्रीकर बायपास मार्गावरून जाणाराी भरधाव कार रस्त्याकडेच्या बॅरिकेडला धडकली. कारच्या समोरील भागात लोखंडी पत्राचे बॅरिकेड आरपार घुसले आहे, यामुळे कारचे मोठे नुकसान झाले आहे.

कारच्या हेड लाईट जवळून रॉड घुसत पुढे समोरच्या सीटपर्यंत रॉड घुसल्याचे समोर आलेल्या व्हिडिओतून दिसत आहे.

अपघातग्रस्त कारला ट्रकच्या सहय्याने दोरी लावून बाहेर काढण्यात आले, करचा दरवाजा, बोनेट, हेड लाईट, इंजिन, सीट यासह विविध भागाचे नुकसान झाले आहे.

अपघातात एक व्यक्ती जखमी झाली आहे. त्याला उपचारासाठी गोमेकॉत दाखल करण्यात आले. त्याच्यावर यशस्वी उपचार करण्यात आल्याची माहिती समोर आली असून, जखमी व्यक्ती सुखरूप आहे.