Goa Crime News

सांकवाळ येथे बांधकामाधीन इमारतीच्या आठव्या मजल्यावरुन कोसळून सुरक्षा रक्षकाचा मृत्यू झाला आहे. मूळ झारखंड येथील असलेल्या मृत सुरक्षा रक्षकाच्या कुटुंबियांनी घटनेबाबत संशय व्यक्त करत सखोल चौकशीची मागणी केली आहे.

सांकवाळ येथील एमव्हीआर कन्स्ट्रक्शनच्या साईटवर आज (शुक्रवारी) ही घटना घडली.

राजू मांझी (31, रा. झारखंड) असे मृत सुरक्षा रक्षकाचे नाव आहे.

मिळालेल्या माहितीनुसार, सांकवाळ येथे एमव्हीआर कन्स्ट्रक्शनच्या एका इमारतीचे काम सुरु आहे. या निर्माणधीन इमारतीच्या आठव्या मजल्यावरुन कोसळून राजू यांचा मृत्यू झाला.

राजू यांच्यासोबत अचानक झालेल्या अपघातामुळे त्यांचे कुटुंबीय हादरले असून, त्यांनी या सर्व घटनेप्रकरणी संशय व्यक्त केला आहे. आणि सखोल तपासाची मागणी केली आहे.

याप्रकरणी सर्व घटनाक्रम तपासण्याचे आदेश देण्यात आले आहेत. दरम्यान, घटना घडल्यानंतर घटनास्थळी बघ्यांची गर्दी गोळा झाला होती. पोलिसांनी घटनास्थळी दाखल होत पंचनामा केला असून, सर्व अँगल तपासून पाहिले जात आहेत, असे पोलिसांनी म्हटले आहे.

सुरक्षा रक्षक अचानक आठव्या मजल्यावरुन कोसळ्याने हा अपघात आहे का घातपात आहे? असा सवाल उपस्थित केला जात आहे.