Accident On Mandovi Bridge: मांडवी लहान पुलावर टेम्पो आणि दोन दुचाकी यांच्या अपघात झाला आहे. या अपघातात दोन्ही दुचाकी चालकांना गंभीर दुखापत झाली असून, त्यांना उपचारासाठी गोमेकॉत दाखल करण्यात आले आहे.

अपघात झाल्यानंतर पुलावर मोठी वाहतूक कोंडी निर्माण झाली व वाहतूक संथ गतीने सुरू होती.

(Accident On Mandovi Bridge two bike riders injured)

मिळालेल्या माहितीनुसार, लहान मांडवी पुलावर टेम्पोला दुचाकीने मागून धडक दिल्याने दुचाकीचा अपघात झाला. यावेळी दुसऱ्या दुचाकीचा देखील येथे अपघात झाल्याने दोन्ही दुचाकी चालक गंभीर जखमी झाले आहेत. जखमींना उपचारासाठी तात्काळ रूग्णालयात दाखल करण्यात आले आहे. अपघातामुळे पुलावर मोठी वाहतूक कोंडी निर्माण झाली होती.

अपघातानंतर येथील लोकांना रूग्णवाहिकेला किंवा पोलिसांना फोन करण्याबाबत माहितच नसल्याने तेथे रूग्णवाहिका व पोलिस यायला उशीर झाला.

दरम्यान, काही वेळानंतर रूग्णवाहिका व गोवा पोलिस घटनास्थळी दाखल झाले. जखमींना रूग्णवाहिकेद्वारे रूग्णालयात दाखल करण्यात आले. तर, अपघातग्रस्त वाहनांना रस्त्यातून हटवून मार्ग मोकळा करण्यात आला. यामुळे बराचकाळ झालेली वाहतूक कोंडी मोकळी झाली.

अपघातात दुचाकींचे नुकसान झाले आहे. पोलिस अधिक तपास करीत आहेत.