दोडामार्ग/पणजी: माटणे येथे वजनकाट्याजवळ दोन दुचाकींची समोरासमोर भीषण धडक होऊन मये येथील दीपक हरमलकर (वय ५९) यांचा मृत्यू झाला. त्यांच्यासोबत असलेले गणू उसपकर हे गंभीर जखमी झाले आहेत.
दुसऱ्या दुचाकीवरील वझरे येथील रामा सुरेश गवस आणि त्याच्यासोबत असलेले जयराम शिरोडकर यांची प्रकृतीही गंभीर आहे. तिघांनाही बांबोळी येथे हलविण्यात आले आहे. ही घटना बुधवारी सायंकाळी पावणेपाचच्या सुमारास घडली.
दीपक हे दुचाकी घेऊन दोडामार्गहून आयी मार्गे गोव्याच्या दिशेने जात होते. गणू उसपकर हे त्यांच्या मागे बसले होते. तर, वझरे येथील रामा गवस व त्यांचा मित्र जयराम शिरोडकर हे दोघे ‘एफझेड’ दुचाकीवरून आयीहून दोडामार्गच्या दिशेने येत होते. माटणे येथे दुचाकींमध्ये अपघात झाला.
घरी परतताना घाला
मये येथील दीपक हरमलकर हे वझरे येथील एका खासगी कंपनीत नोकरीला होते. कामानिमित्त ते रोज दोडामार्ग–आयी मार्गावरून ये-जा करत असत. बुधवारीही नेहमीप्रमाणे ते कामावरून घरी परतत असतानाच माटणे येथील वजनकाट्याजवळ काळाने घाला घातला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.