पणजी : ब्रेक निकामी झाल्याने मालवाहू ट्रक मंदिरात घुसल्याची घटना गोव्यात घडली आहे. पणजीजवळीत वेरे परिसरात भरधाव मालवाहू ट्रक मंदिरात घुसला आहे. अपघातात सरस्वती मंदिराचे मोठे नुकसान झालं आहे.

पणजीजवळच (Panjim) असलेल्या वेरे भागात हा मालवाहू ट्रकचा थरार पाहायला मिळाला आहे. भरधाव ट्रकचे अचानक ब्रेक निकामी झाल्याने तो एका मंदिरात घुसला. वेरे परिसरातील सरस्वती मंदिराचं या अपघातात मोठं नुकसान झालं आहे. ट्रक मंदिरात (Temple) घुसल्याने वेरे परिसरात एकच गोंधळ उडाला. या अपघातात ट्रकच्या दर्शनी भागाचंही मोठं नुकसान झालं आहे, तर मंदिराच्या एका बाजूचं नुकसान झाल्याचं दिसत आहे. चालकालाही किरकोळ इजा झाल्याची प्राथमिक माहिती मिळाली आहे.

दरम्यान रायबंदर बायपास मार्गावर रविवारी रात्री उशिरा सरकारी वाहनाची दोन दुचाकींना धडक बसली. या अपघातात सांताक्रूझ येथील पुष्पलता स्वामी या महिलेचा जागीच मृत्यू झाला होता. तर दुचाकीवरील अन्य दोघेजण गंभीर जखमी झाले होते. त्यांना गोमेकॉ इस्पितळात उपचारासाठी दाखल करण्यात आले होते. या अपघातप्रकरणी (Accident) संबंधित सरकारी वाहनाच्या चालकाला निलंबित करण्यात आले असून त्याने अपघातावेळी मद्यपान केले असल्याची माहितीही आता समोर येत आहे.