Calangute: कळंगुट येथे विविध ठिकाणी अनेक दिवसांपासून बेवारस स्थितीत पडून असलेली वाहने जप्त करण्यात आली. कळंगुट पंचायतीने वाहतूक पोलिसांच्या मदतीने हा उपक्रम राबवला.

पंचायतीच्या अधिकार क्षेत्रातील अशी वाहने जप्त करण्यात आली आहेत. यामध्ये अनेक दुचाकी आणि कार्सचाही समावेश आहे. ही वाहने रस्त्याकडेला अनेक दिवसांपासून पडून होती. अनेक वाहनांवर धुळ साचून राहिली होती.

यातील अनेक वाहनांच्या क्रमांकावरून संबंधित वाहन मालकांची माहिती घेऊन त्यांना दंडाची नोटीस पाठवली गेली आहे. हा दंड भरून वाहनमालकांना वाहने सोडवून घेता येतील. जर कुणीही गाडीमालक समोर आला नाही तर वर्तमान पत्रातून जाहीरात देऊन या बेवारस वाहनांचा लिलाव केला जाईल, अशी माहिती देण्यात आली आहे.