Valpoi: गुन्ह्यांच्या आणि आत्महत्येच्या अनेक घटना आपण आजवर ऐकल्या आणि पहिल्या आहेत. मात्र एक वेगळीच घटना सावर्डे येथे शुक्रवारी घडली.

सावर्डेतील (Sanvordem) एका तरुणाने स्वत:चे जीवन संपवण्याचा प्रयत्न करत एका विहिरीत उडी मारली. मात्र समोर आलेल्या माहितीनुसार, तरुणाने ज्या विहिरीत उडी मारली त्यात पाणी जास्त खोल नसल्याने त्याचा आत्महत्येचा प्रयत्न फेल ठरला. हा प्रकार पाहताच गावकऱ्यांनी तात्काळ अलार्म वाजवला आणि वाळपई अग्निशमन (Fire Brigade) आणि आपत्कालीन सेवांना फोन केला. त्यांनी वेळीच घटनास्थळी पोहोचून तरुणाची सुटका केली.

हा तरुण मद्यपी असल्याचे स्थानिकांचे म्हणणे आहे. त्यामुळे खरंच त्याने आत्महत्येचा प्रयत्न केला की मद्याच्या धुंदीत तो विहिरीत पडला हे अद्याप कळू शकले नाही.