Goa Suicide News : पणजीतील मांडवी पुलावरून एका तरुणाने उडी घेतल्याची घटना उघडकीस आली आहे. आज सकाळी 6 वाजण्याच्या सुमारास उडी घेतल्याची ही घटना घडली. तरुणाने उडी घेत आत्महत्या का केली याची माहिती अद्याप मिळू शकलेली नाही. मात्र अजूनही त्याचा मृतदेह शोधण्यात प्रशासनाला यश आलेलं नाही. (Panaji latest news)

मांडवी पुलावरुन उडी घेणाऱ्या व्यक्तीचं नाव तुळशीदास शेटये असे असून तो बोक द व्हाक – पणजी येथील रहिवासी आहे. मांडवी नदीत उडी घेऊन आत्महत्या करण्यापूर्वी त्याने स्कुटर पुलावर उभी केली होती. ही स्कुटर पोलिसांना सापडली आहे. या स्कुटरच्या क्रमांकावरून केलेल्या चौकशीत त्याची ओळख पटली असून तो सकाळपासून बेपत्ता असल्याची माहिती कुटुंबियांनी पोलिसात दिली. पोलिस व अग्निशमन दलाचे जवान मांडवी नदीत त्याचा शोध घेत आहेत.