Bicholim Crime Dainik Gomantak
गोवा

Bicholim Crime: गहाळ की चोरी! डिचोलीत महिलेचे सात लाखांचे दागिने गायब; पोलिस तपास सुरु

Bicholim Crime News: एका मध्यमवर्गीय महिलेच्या बॅगेतील सुमारे सात लाख रुपये किमतीचे सोन्याचे दागिने गायब होण्याची घटना घडली आहे.

गोमन्तक डिजिटल टीम

डिचोली: एका मध्यमवर्गीय महिलेच्या बॅगेतील सुमारे सात लाख रुपये किमतीचे सोन्याचे दागिने गायब होण्याची घटना घडली आहे. या घटनेमुळे संबंधित महिलेला मोठा धक्का बसला आहे. डिचोली बाजारात हा प्रकार घडल्याची शक्यता संबंधित महिला आणि तिच्या पतीने व्यक्त केली आहे.

डिचोलीहून (Bicholim) उसगाव येथे पोहोचल्यानंतर हा प्रकार त्यांच्या लक्षात आला. हा प्रकार दोन दिवसांपूर्वी घडला आहे. याप्रकरणी महिलेने डिचोली पोलिसांत तक्रार दिली असून, पोलिस तपास सुरू असल्याची माहिती मिळाली आहे. या दागिन्यांची चोरी झालीय, की ते गहाळ झालेत, त्याबाबत निश्चित माहिती उघड झालेली नाही.

यासंबंधीची माहिती अशी, हातुर्ली-मये येथील रिया आणि तिचे पती रूपेश चोपडेकर हे उसगाव येथील एका नातेवाईकाच्या घरगुती सोहळ्याला गेले होते. रिया या डिचोली बाजारातील दोन दुकानांत गेल्या होत्या. दुकानात जाईपर्यंत सोन्याचे (Gold) दागिने असलेली ‘पर्स’ बॅगेत होती. नंतर उसगावला पोहोचल्यानंतर दागिने असलेली पर्स बॅगेत नसल्याचे त्यांच्या लक्षात आले. सोन्याचे दागिने हरवल्याने रिया यांना मोठा धक्का बसला असून, हे दागिने कधी मिळतील, याच्या प्रतीक्षेत त्या आहेत.

दरम्यान, सोनसाखळी हिसकावण्याच्या घटनांमध्ये मोठ्या प्रमाणात वाढ झाली असून महिलांमध्ये भीतीचे वातावरण आहे. घराच्या बाहेर पडताना महिलांनी विशेष खबरदारी घेण्याचे आवाहन पोलिसांनी केले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Startup Policy: गोमंतकीय तरुणांसाठी मोठी बातमी! सरकारचे स्टार्टअप धोरण जाहीर; 10 हजार रोजगारनिर्मितीचे लक्ष्य

Kadamba Protest: EV बस 2 कोटीची, पगार मात्र 600 रुपये! कदंब चालक मागण्यांसाठी आक्रमक; संपाचा दिला इशारा

Rama Kankonkar: जेल की बेल? काणकोणकर हल्लाप्रकरणी 8 संशयित न्यायालयात होणार हजर; प्रकरणाची ठरणार दिशा

पाहताक्षणी विजयनगर साम्राज्याच्या प्रेमात पडला होता पोर्तुगीज व्यापारी; वाचा 400 वर्षापूर्वीचे प्रवास वर्णन

Rashi Bhavishya 26 September 2025: कुटुंबात सौख्य वाढेल, प्रेमसंबंधात गोडवा; परदेशातून शुभवार्ता येणार

SCROLL FOR NEXT