गोवा: सोनाली फोगट खून प्रकरणाच्या पुढील तपासासाठी पोलीस निरीक्षक थेरॉन डी’कोस्टा आणि पीएसआय फ्रान्सिस यांच्या नेतृत्वाखाली गोवा पोलिसांचे एक पथक आज हरियाणाला रवाना होईल अशी माहिती उत्तर गोव्याचे पोलीस अधीक्षक शोभित सक्सेना यांनी एएनआयला दिली.

(A team of Goa Police will leave for Haryana today for sonali phogat case)

मृत्यू प्रकरणाची CBI चौकशी व्हावी, हरियाणा Govt चे गोव्याच्या मुख्यमंत्र्यांना पत्र

सोनाली फोगट यांच्या हत्येप्रकरणी हरियाणा सरकारने गोव्याचे मुख्यमंत्री प्रमोद सावंत यांना पत्र लिहिले आहे. सोनाली फोगट यांच्या हत्येची सीबीआयमार्फत चौकशी करावी, असे हरियाणा सरकारने म्हटले आहे. सोनाली यांच्या कुटुंबीयांनी शनिवारी हरियाणाचे मुख्यमंत्री मनोहर लाल खट्टर यांची भेट घेतली आणि या संपूर्ण प्रकरणाची सीबीआय चौकशीची मागणी करण्यासाठी लेखी अर्ज दिला.

गोव्यातील कर्लिस बार अखेर ‘सील’

राज्यात अमलीपदार्थामुळे वादग्रस्त ठरलेला ‘कर्लिस बार’ काल सोमवारी अखेर सिल करण्याचे आदेश मुख्यमंत्री डॉ. प्रमोद सावंत यांनी दिले. दरम्यान, सोनाली फोगट मृत्यू प्रकरणाची तपशीलवार माहिती मिळविण्यासाठी गोवा पोलिसांनी उपनिरीक्षकांच्या नेतृत्वाखाली पाचजणांचे पथक तयार केले असून ते आज हरियाणातील हिस्सारकडे रवाना होणार आहे. हे पथक फोगट यांच्या मुळ गावी हिस्सार आणि इतर महत्त्वाच्या ठिकाणांना भेटी देणार आहे. याशिवाय सोनाली यांच्या कुटुंबियांसह इतरांच्या साक्ष आणि जबाब नोंदवणार आहे.