पणजी: गोव्यातील वाढते अपघात रोखण्यासाठी आता वाहतूक पोलिसांकडून एक विशेष मोहीम राबवली जात आहे. गोवा वाहतूक पोलिसांनी एक्स (X) या सोशल मीडिया हॅण्डलचा वापर करून मोहिमेबद्दल सविस्तर माहिती दिली.
भरधाव वेगाने गाडी चालवणे, दारू किंवा ड्रग्सचे सेवन करून गाडी चालवल्यामुळे गेल्या अनेक महिन्यांपासून राज्यात अपघातांचा आकडा वाढत चाललाय. यावर कायमचा आळा बसवण्यासाठी पोलिसांनी वाहतूक नियमांचे उल्लंघन करणाऱ्यांना दंडाला सामोरं जावं लागेल अशी सूचना जारी केली आहे.
सोबतच त्यांनी वाहनचालकांना दंड आणि पुढील कारवाई टाळण्यासाठी सर्व वाहतूक नियमांचे व्यवस्थित पालन करण्याचा आदेश दिलाय. सोमवारी (दि. २१ ऑक्टोबर) रोजी पोलिसांनी ६५८ चालकांना चलन देण्याबरोबरच केवळ एका दिवसात १५२४ वाहन चालकांच्या नावे वाहतूक नियमांचे उल्लंघन केल्याप्रकरणी नोटीस जारी केली आहे.
राज्यात सध्या वाहतूक नियमांचे उल्लंघन केल्यामुळे अनेक अपघात होत असल्याची माहिती समोर आलीये. वाढते अपघात आणि यामुळे होणारे मृत्यू हा गंभीर विषय लक्षात घेत वाहतूक पोलिसांनी ही विशेष मोहीम हाती घेतली आहे.
गेल्या दोन दिवसांत रस्ता अपघातात दोघाजणांनी जीव गमावला असून यामधील एका अपघातात चारचाकी चालक अमली पदार्थांचे सेवन करून गाडी चालवत होता तर दुसऱ्या अपघातात ट्रकने दुचाकीला मागून धडक दिल्याने ट्रकखाली गेलेल्या महिलेने जागीच प्राण सोडला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.