सासूला जीव मारण्याचा प्रयत्न केल्याप्रकरणी केपे येथे एकाला अटक करण्यात आली आहे. चाकूने हल्ला करून खूनाचा प्रयत्न केल्याप्रकरणी पोलिसांनी भारतीय दंड विधान कलम 307 अंतर्गत गुन्हा दाखल केला आला आहे. दक्षिण गोवा पोलिसांनी याबाबत माहिती दिली आहे.

(A person arrested for stabbing his mother in law with knife)

मिळालेल्या माहितीनुसार, जावयाने सासूवर चाकूने वार करून जीवे मारण्याचा प्रयत्न केला. याप्रकरणी तमिश पार्सेकर या आरोपीला केपे पोलिसांनी अटक केली आहे. पोलिसांनी आरोपीवर गुन्हा दाखल केला असून, पुढील तपास केपे पोलिस (Quepem Police) करत आहेत. दरम्यान, या हल्ल्यामागे नेमके कारण कोणते होते याबाबत माहिती मिळू शकली नाही.

वास्कोतील अपघातानंतर पोलिस सतर्क

वाहतूक नियमांचे पालन केले जात आहे की नाही यासाठी वास्को पोलिसांकडून वाहनचालकांची तपासणी करण्यात आली. रात्री उशीरापर्यंत ही कारवाई सुरू होती. वास्कोत एका अल्पवयीन मुलाकडून महिलेचा अपघाती मृत्यू झाला होता. त्यानंतर पोलिस अधिक सतर्क झाले आहेत.