काणकोण येथे एका अल्पवयीन मुलीवर बलात्कार झाल्याचा धक्कादायक प्रकार समोर आला आहे. या प्रकरणात पोलिसांनी कोल्हापूर येथील विरेंद्र शिंदे या संशयित युवकाला ताब्यात घेतले असल्याची माहिती समोर आली आहे.

(A man from Kolhapur arrested in the rape case of Canacona)

मिळालेल्या माहितीनुसार काणकोण पोलिसात एका अल्पवयीन मुलीवर बलात्कार झाला असल्याची तक्रार झाली आहे. यावरुन पोलिसांनी विरेंद्र शिंदे ( वय 19 )या संशयिताला अटक केली आहे. तो महाराष्ट्रातील कोल्हापूर जिल्ह्याचा रहिवाशी असल्याचे प्राथमिक माहितीत स्पष्ट झाले आहे.

धक्कादायक बाब म्हणजे या गुन्ह्यातील पीडिता 15 वर्षाची असून ती सहा महिन्याची गरोदर असल्याचे स्पष्ट झाले आहे. पोलिसांनी संशयित आरोपीला ताब्यात घेत सुधारगृहात रवानगी केली आहे. लवकरच संशयिताला न्यायालयात हजर करुन पुढील कारवाई करण्यात येणार असल्याची माहिती पोलिसांनी दिली आहे.

गोव्यात खून, मारामारी, चोरी, दरोडा, लैंगिक शोषनाचे प्रकार वाढत असल्याचे नागरिकांनी म्हटले आहे. त्यामुळे प्रशासनाने अशा घटनांवर आळा घालण्यासाठी तातडीने पावले उचावीत अशी देखील मागणी नागरीकांकडून होत आहे.