Baina : बायणा येथील एका घाऊक मद्याच्या दुकानात चोरीचा प्रयत्न केल्याची घटना घडली. चोरीची घटना सीसीटीव्हीमध्ये कैद झाली असून चोरट्यांची टोळी घटनास्थळावरुन पसार झाली. या चोरीच्या घटनेमध्ये महिलांचा समावेश असल्याची माहिती समोर येत आहे.

याबाबत अधिक माहिती अशी की, बायणा येथील घाऊक मद्याच्या दुकानात दोन लहान मुलांसह तीन महिलांचा गट आला होता. यावेळी महिलांनी दुकानचालकालाचे लक्ष विचलीत करुन लहान मुलाला दुकानात पाठविले. यावेळी लहान मुलाने दुकानाच्या काउंटरमधून पैसे चोरण्याचा प्रयत्न केला.

मात्र, दुकान चालक सावध झाल्याने त्यांना रंगेहाथ पकडले. घटनास्थळावरुन महिलांच्या टोळक्याने पळ काढला. दरम्यान चोरीची संपूर्ण घटना सीसीटीव्हीमध्ये कैद झाली आहे.