Goa-Mumbai Bus Accident: गोव्यातून मुंबईच्या दिशेने जाणाऱ्या खासगी प्रवासी बसचा कोकरूड, शाहूवाडी येथे अपघात झाला. बस थेट पुलावरून वारणा नदी पात्रात कोसळसली. गुरुवारी (दि.09) सकाळी 6 वाजता हा अपघात झाला.

मिळालेल्या माहितीनुसार, गोवा- मुंबई खासगी प्रवासी बस कोकरूड (शाहूवाडी) येथील पुलावरून वारणा नदी पात्रात कोसळली. सुदैवाने या अपघात कोणीही दगावले नाही. काही प्रवासी किरकोळ जखमी झाल्याची माहिती समोर आली आहे.

अपघात झाल्यानंतरचा एक व्हिडिओ सध्या सोशल मिडियावर व्हायरल होत आहे.

पुलावरुन बस खाली कोसळल्यानंतर स्थानिकांनी तात्काळ घटनास्थळी धाव घेऊन बचावकार्य सुरु केले. बसमधील सर्व प्रवासी सुखरुप असून, बसला बाहेर काढण्याचे काम सुरु आहे. पाऊलो या खासगी प्रवासी वाहतूक कंपनीची ही बस असल्याचे समोर आलेल्या व्हिडिओतून दिसत आहे.

सध्या दिवाळीच्या पार्श्वभूमीवर मोठ्या प्रमाणावर चाकरमानी गावाकडे प्रवास करत आहेत. त्यामुळे सरकारी तसेच, खासगी बस वाहतूक जोमात सुरु आहे.