Car on Fire in Caranzalem Goa: गोव्यातील ताळगाव परिसरातील करंझाळे येथे आज, मंगळवारी दुपारी अचानक एका कारने पेट घेतला.

भर रस्त्त्यात अचानक कार पेटल्याने परिसरातील सर्वजण चकीत झाले. सुदैवाने या घटनेत कुणीही जखमी झालेले नाही.

आजुबाजूच्या नागरिकांना या कारला लागलेली आग विझविण्यासाठी धाव घेतली. काहींनी तत्काळ अग्निशमन दलाला याची माहिती दिली. दरम्यान, आगीचे कारण अद्याप समोर आलेले नाही. भर वस्तीतील रस्त्यावर ही घटना घडली.

आग विझवल्यानंतर कार क्रेनच्या सहाय्याने येथून हलविण्यात आली आहे. दरम्यान, गेल्या काही काळात दुपारी अचानक कारने पेट घेण्याच्या घटना समोर आल्या आहेत.