Mopa Airport: मोपा विमानतळ प्रकल्पासाठी सरकारने भाडेपट्टीवर दिलेली जमीन 60 वर्षांसाठी पोटभाड्याने देण्यास सरकारने मान्यता दिल्यानंतर तेथे जिंजरचे 300 खोल्यांचे भव्‍य हॉटेल होणार हे आता स्पष्ट झाले आहे.

विमानतळालगत पश्‍चिम दिशेला असलेल्या मोकळ्‍या जागेवर हे हॉटेल उभारण्यासाठी आज करार करण्यात आला. ‘इंडियन हॉटेल्स’ ही देशातील सर्वात मोठी हॉटेल कंपनी हे हॉटेल उभारणार आहे.

मोपा विमानतळ परिसरात ‘जिंजर’ या ब्रॅण्डखाली हे हॉटेल उभे राहील. कंपनीची दुसरी कंपनी असलेल्या रूटस् कॉर्पोरेशन या कंपनीशी जीएमआर कंपनीने 2 एकर जागा 60 वर्षांसाठी भाडेपट्टीने देण्यास करार केला आहे.

‘दाबोळी’ला ‘मोपा’च्या तुलनेत अधिक झळाळी

दाबोळी आंतरराष्ट्रीय विमानतळ 2023 सालासाठी नव्याने सुरू झालेल्या मोपा विमानतळाच्या​ पुढे आहे. दाबोळी विमानतळावर गेल्या वर्षी अधिक संख्येने देशांतर्गत आणि आंतरराष्ट्रीय उड्डाणे झाली होती. ज्यात प्रवाशांची संख्या जास्त होती,अशी माहिती मुख्यमंत्री डॉ. प्रमोद सावंत यांनी दिली.

हळदोणाचे आमदार कार्लोस फेरेरा यांनी विधानसभेच्या अधिवेशनात मुख्यमंत्र्यांना गोव्यातील दोन्ही आंतरराष्ट्रीय विमानतळांवरील उड्डाणे आणि प्रवाशांची संख्या याबाबत अतारांकित प्रश्न विचारला होता. मुख्यमंत्री डॉ. प्रमोद सावंत यांनी दिलेल्या उत्तरानुसार, गेल्या वर्षी पेडणे येथे नव्याने सुरू झालेल्या मोपा विमानतळाच्या तुलनेत दाबोळी आंतरराष्ट्रीय विमानतळावर जास्त उड्डाणे झाली आणि प्रवासी आले.