Youth Drowned At Cansaulim Quarry: कासावली येथील जांभा खडकाच्या खाणीत बुडून एका 16 वर्षीय मुलाचा मृत्यू झाला आहे. अनिल चव्हाण (वय 16) असे या मुलाचे नाव आहे. तो वास्कोतील शांतीनगर येथील रहिवासी आहे.

दोन मित्रांसमवेत तो या खाणीवर अंघोळीसाठी गेला होता. या तिघांपैकी कुणालाही पोहायला येत नव्हते. ही खाण खोल आहे. अनिलला पाण्याचा अंदाज आला नाही. त्यामुळे तो गटांगळ्या खाऊ लागला. इतर दोघांनाही पोहता येत नव्हते. त्यामुळे दोघांनाही त्याला वाचवता आले नाही.

सध्या घटनास्थळी पोलिस, अग्निशमन दलाचे जवान दाखल झाले आहेत. त्याच्या मृतदेहाचा शोध घेतला गेला. स्थानिक आनंद लमाणी यांनी या मुलाचा मृतदेह बाहेर काढला. पोहायला न येणाऱ्या कुणीही येथे अंघोळीसाठी जाऊ नये, असे आवाहनही लमाणी यांनी केले आहे.